1990

1990

Den Emweltminister Alex Bodry mécht de Bur op, an de Staatssekretär Georges Wohlfart weiht no de groussen Stroossebauarbechten d'Duerfplaz bei der Kiirch an. Mir hunn dëst Joer d'"Musikgesellschaft Kreuzweiler-Dilmer" ënner der Direktioun vum Guido Beck zu Schwéidsbengen. De Quiz "E Lach an de Bauch" gëtt animéiert vum René Pütz a Marc Faber, de Gewënner a Kinnek op der Musel gëtt den Emile Marchal vum Houwald. Als Kënschtler presentéiere mir de Roger Wohlfart.

En 32-Fudder-Faass aus dem Elsass gëtt bei der Haal opgeriit, wat bis 2012 dem Wieder standgehalen huet.

1991

1991

De Wäibauminister René Steichen mécht de Bur op a planzt seng Rief am Ministeschwéngert, begleet vum Schäffe René Risch. D'"Société de Musique Harlange" ënner der Direktioun vum Cyrille Mercy gëtt e Concert.

De Quiz "E Lach an de Bauch" gëtt animéiert vum René Pütz a Marc Faber, Gewënner a Kinnek op der Musel gëtt de Marc Rasic. D'Wierker vum Norbert Hastert ginn an der Ausstellung gewisen.

1992

Um 40. Wäifescht mécht d'Staatssekretärin Mady Delvaux-Stehres, e Meedchen matt Schwéidsbenger Wuerzelen, de Bur op a planzt hier Rief. D'Fanfare Lëtzebuerg-Clausen spillt e Concert, an d'CD "Erbäi dir Bacchusbréider", mat Miseler Wäilidder, kënnt fir dëse 40. Gebuertsdag eraus, opgeholl vum Jang Linster. De Mario Vandivinit ass eise Kënschtler fir dest Joer.

De President Carlo Braun ass bei engem Autosaccident ëm d'Liewe komm. Neie President gëtt de Charel Urbany.

1993

1993

D'Wäibauministesch Marie-Josée Jacobs ass Éieregaascht. D'"76th US Army Band" ënner der Direktioun vum Chief Officer Kenneth D. Allen spillt eis e fantastesche Concert. Samschdes ass e Wäibal mat den "Challengers". Iwwerdeems Sonndes beim grousse Kelter "Wäin a Kéis" ugesot ass, sinn an der Ausstellung an der aler Schoul Wierker vum Marcel Schumacher ze gesinn. Owes ruffe "The Blue Stars" zum Danz an de John Belly stellt seng Show vir.

D'Post gëtt dëst Joer en Timber mam Schwéidsbenger Wäibur eraus.

1994

1994

De Paul Gerges begréisst als Éieregaascht de Premierminister Jacques Santer zu Schwéidsbengen . De Wäibal vu Samschdes gëtt animéiert vun den "Challengers". Sonndes spillt d'Harmonie "Union Elwen" e Concert, an de Josy Linckels presentéiert seng Konschtwierker, iwwerdeems et beim grousse Kelter "Wäin a Kéis" ze schmaache gëtt.

1995

1995

Eise Gaascht as de Sportsminister Alex Bodry, deen am Reen de Bur unzaapt. Eise Kënschtler, deen am kierzlech fäerdeg renovéierten Augustinshaus ausstellt, ass de Gil Arend. Samschdes Owes ass Wäibal mat den "Challengers", Sonndes spillt den Danzorchester "Blue Stars". D'"Ambassadors USAFE Band" vu Kaiserslautern gëtt Sonndes Nomëttes e Concert. "Wäin a Kéis" ass vun dësem Joer un regelméisseg am Haff hanner dem Augustinshaus ugesot.

1996

1996

Dëst Joer ass de 15. a 16. Juni déi 4. "Ronde des trois frontières" mat symboleschen "Euroën" zu Schwéidsbengen an Emgéigend. Och d'Schwéidsbenger Wäifescht ass mat engem Stand derbäi, an de Wäi leeft Sonndes aus dem Bur.

Am September kënnt de Wäibauminister Fernand Boden nach eng Kéier als Éieregaascht bei eis op d'Fléifouer. D'"Challengers" animéieren de Bal vu Samschdes, an d'"Blue Stars" fuederen Sonndes Owes zum Danz op. De Kënschtler um Wäifescht ass dëst Joer de Guy Gieres.

1997

1997

Den Ausseminister Jacques F. Poos mécht de Bur op. De "Reservistenmusikzug Saarland" spillt e Concert, an eise Gäscht gëtt am Duerf eng Ausstellung "Drauwelies vu Gëschter an Haut" presentéiert. Samschdes Owes spillen d'"Challengers" , a Sonndes Owes den Orchester "Blue Stars". D'Konschtausstellung op dësem 45. Wäifescht ass vum Josée Olinger-Proth. Fir d'éischt zënter dem Bestoe vum Ministeschwéngert kënnt elo och den Erdrag vun dësem Wéngert ënner den Hummer. 20 Annerhallef-Literfläschen Auxerrois, mat den Ënnerschrëfte vun alle Ministeren, déi bis elo eng Rief an de Ministeschwéngert geplanzt hunn, gi Sonndesmëttes an der Hal fir e gudden Zweck versteet.

Dëst Joer ass déi läscht Schwéidsbenger Gehaansnuet ofgehal gin.

1998

1998

"Aller Guten Dinge sind Drei": Éieregaascht ass fir d'drëtt de Wäibauminister Fernand Boden. Fir musikalesch Animatioun suergt d'"Harmonie Union Troisvierges". Um Sonndegowend suergen d'"Blue Stars" fir Stëmmung. Am Duerf ass eng Ausstellung vun 2CV'en, well et dësen Auto zenter 50 Joer gëtt. E neit Party-Konzept an enger flippeger Atmosphär, ënner dem Motto "Funky-Town", probéiere mir Samschdesowes. D'Michèle Schumacher presentéiert hier Konschtwierker.

1999

1999

De Schäffe Paul Gerges begréisst den Éieregaascht Michel Wolter. Samschdes hu mir eng Disco "Funky-Town" mam "Eldoradio". De Concert vu Sonndes gëtt eis offréiert vum "Reservistenmusikzug Saarland". Dono spillen d'"Blue Stars". Kënschtler vum Joer ass den Alphonse Reiter.

D'Cité Roby Goldschmit gëtt offiziell ageweiht.